Mirëmbajtje

• Zëvendësimi i vajit të motorit dhe filtrit të vajit, të karburantit, të ajrit dhe të kabinës në bazë të kilometrave të përshkruara nga automjeti dhe përcaktimi i ndërrimit të radhës.
• Kontrolli i sistemit të frenimit, zëvendësimi i ferrotave dhe disqeve të konsumuara, regjistrimi i frenave të këmbës dhe të dorës. Zëvendësimi i vajit të frenave pas testimit të vajit të frenave,  plotësimi i nivelit të depozitës së vajit të frenimit.
• Kontrolli i kutisë së shpejtësisë dhe i diferencialit për nivelin e vajit dhe plotësimi i tij në rast nevoje.
• Kontrolli i sistemit ftohës të motorit të automjetit, testi i lëngut ftohës dhe përgatitja e antifrizës në parametrat e duhura.
• Kontrolli i sistemit të ndezjes dhe plotësimi i nivelit të elektrolitit në akumulatorin e automjetit, zëvendësimi i kandeleve ne automjet me benzinë dhe gaz, në bazë të kilometrave të përshkruara nga automjeti.
• Zëvendësimi i rrypit të fazës së motorit i përcaktuar që më përpara në bazë të kilometrave të përshkruara nga automjeti dhe zëvendësimi i rrypave të tjerë të motorit të automjetit.
• Kontrolli i sistemit të kondicionimit të ajrit dhe zëvendësimi i gazit ftohës pas testimit të tij.
• Kontrolli i sistemit të sinjalizim-ndriçimit dhe zëvendësimi i sinjalizuesve dhe ndriçuesve të dëmtuar.
• Kontrolli i presionit të ajrit të gomave të automjetit dhe rregullimi i këtij presioni në nivelin e rekomanduar nga konstruktori i automjetit.

Mirëmbajtja e përditshme kryhet çdo ditë nga vetë drejtuesi i mjetit. Shoferi në çdo çast vrojton me kujdes mjetin që drejton, dëgjon gjithmonë punën e agregateve kryesore të automjetit. Në mirëmbajtjen e përditshme (MP) duhet të kryhen këto veprime:                      

• Kontrolli i gjendjes teknike të automjetit. Ky kontroll ka për qëllim që të sigurojë lëvizjen pa rrezik të automjetit në rrugë;
• Furnizimi i automjetit me materialet shfrytëzuese (lëndën e djegshme, lëndët lyrësuese (vajosëse), lëndët ftohëse, lëndët frenuese etj.), që të sigurohet puna normale e tij;
• Sigurimi i një pamjeje të jashtme të rregullt të automjetit. Për këtë qëllim, mirëmbajtja e përditshme e automjeteve kryhet çdo ditë.